सम्झनाका तस्बिरहरू जलाई दिए हुन्छ !

सम्झनाका तस्बिरहरू जलाई दिए हुन्छ !
सजाएका सपना सारा ढलाई दिए हुन्छ !!

विश्वासले रोपेको बोट खडेरीमै सुकाइ !
मिठो फल अन्त कतै फलाई दिए हुन्छ !!

बाच्नै पर्यो घाइते भई मुटु तोडे पनि !
नभएका हल्लाहरू चलाई दिए हुन्छ !!

हाँसी -हाँसी तिम्रै हातले दिन्छौ भने जहर !
अमृत मानी पिउन सक्छु मलाई दिए हुन्छ !!

मरेपछि को नै छ र लाश जलाउनलाई !
नूनचुक छरी शरीर मेरो गलाई दिए हुन्छ !!