समाचार,
आजको पञ्चाङ्ग
Posted by Unknown
Published on Thursday, 13 February 2014
आजको पञ्चाङ्ग
वि.सं. २०७० फाल्गुन ०२ गते शुक्रबार तदनुसार ईश्वीसन् २०१४ फेब्रुवरी १४ तारिख, नेपाल संवत् : ११३४, (सिल्लाथ्व)
आज पूर्णिमा व्रत, श्री स्वस्थानी व्रतकथा तथा माघस्नानको समाप्ति, झापा किचकबध मेला, नेवारी पर्व सिपुन्हि,
चन्द्रमा कर्कट राशिमा, मध्यरात्रीपछि १२ बजेर ५७ मिनेटसम्म, त्यसपछि सिंह राशिमा,
काठमाण्डौं, नेपालमा सूर्योदय : ०६:४५:१४ बजे र सूर्यास्त : ०५:५२:२२ बजे,
इटहरी, सुनसरी, नेपालमा सूर्योदय : ०६:३६:१३ बजे र सूर्यास्त : ०५:४५:४३ बजे,
माघ शुक्लपक्षको पूर्णिमा तिथि, भोलि बिहान ४ बजेर ५७ मिनेटसम्म, त्यसपछि प्रतिपदा तिथि,
अश्लेषा नक्षत्र मध्यरात्रीपछि १२ बजेर ५७ मिनेटसम्म, त्यसपछि मघा नक्षत्र,
सौभाग्य योग बिहान ९ बजेर २० मिनेटसम्म, त्यसपछि शोभन योग,
विष्टि (भद्रा) करण दिउँसो ३ बजेर ५६ मिनेटसम्म त्यसपछि बब करण,
राहुकाल दिउँसो १० बजेर ४७ मिनेटदेखि १२ बजेर ११ मिनेटसम्म,
काल बारबेला दिउँसो १० बजेर ४७ मिनेटदेखि १२ बजेर ११ मिनेटसम्म,
रोग बारबेला दिउँसो १ बजेर ३५ मिनेटदेखि २ बजेर ५८ मिनेटसम्म ।
आजको राशिफल
मेष (चु, चे, चो, ला, लि, लु, ले, लो, अ) –
मनमा अशान्ति र छटपटी व्याप्त हुने छ। अध्ययन, अध्यापनमा रुचि हुँदैन। घरायसी वातावरण, दाम्पत्य र प्रणयसम्बन्धमा आज असहजता आउनसक्छ। कसैसँग व्यर्थमा वादविवाद हुनसक्छ। गर्नु नपर्ने कामबाट जोगिनु राम्रो हुन्छ, कुनै महत्वपूर्ण काम गर्न बाँकी भए आजलाई स्थगित गर्नु होला।
बृष (इ, उ, ए, ओ, बा, बि, बु, बे, बो) –
सुखद यात्राको सम्भावना छ। चिताएको काममा सफलता पाउनु हुनेछ। साथीभाइसित भेटघाट हुनुका साथै मनोरञ्जनात्मक काममा संलग्न भइने छ। दाजुभाइ र दिदीबहिनीले दिएको सुझावलाई पालना गर्दा लाभ प्राप्त हुनसक्छ। पारिवारिक जीवन सामान्य र सन्तोषप्रद रहने छ।
मिथुन (का, कि, कु, घ, ङ, छ, के, को, ह) –
भाइबहिनी वा सन्ततिका तर्फबाट खुशीको खबर प्राप्त हुने छ। आर्थिक रुपमा सबल हुनुहुनेछ, रोकिएको आर्थिक कारोबारमा गतिशीलता आउने छ र व्यवसायबाट पनि राम्रै लाभ हुनेछ। मायाप्रेमका लागि समय जुट्ने छ। विपरीतलिङ्गीबाट आवश्यक सहयोग मिल्नेछ र आत्मबल बढ्ने छ।
कर्कट (हि, हु, हे, हो, डा, डि, डु, डे, डो) –
आज नयाँ योजना कार्यान्वयन गर्ने र दीर्घकालीन योजना बनाउने दिन हो। वैदेशिक यात्रा गर्ने योजनामा हुनुहुन्छ भने प्रयास गर्न आजको दिन अनुकूल छ। अन्न फलफूल आदि कृषिजन्य व्यवसायबाट राम्रो आर्थिक उपार्जन हुने योग छ। सन्तानपक्षबाट राम्रै सरसहयोग प्राप्त हुनेछ। प्रयास र प्रतिस्पद्र्धामा सफलता मिल्नेछ।
सिंह (मा, मि, मु, मे, मो, टा, टि, टु, टे) –
खराब समय छ। मानप्रतिष्ठा र सामाजिक मर्यादामा आँच आउने सम्भावना छ। यात्राको योग छ, तर आफन्त वा घरपरिवारबाट पनि यात्राका लागि आवश्यक सहयोग मिल्ने छैन। तपाईंको कडा परिश्रम व्यर्थै खेर जान सक्छ। हाकिम, मातापिता वा विशिष्ट व्यक्तिसँग वादविवाद पर्न सक्छ।
कन्या (टो, प, पि, पु, ष, ण, ठ, पे, पो) –
व्यवसायिक क्षेत्र सफल रहने छ, आम्दानीमा कमी आउने छैन। झैझगडा र विवादमा सरिक हुनु पर्नेछ, बोली एवं व्यवहारमा सक्दो नियन्त्रण राख्नुहोला, विजय तपाईंले नै प्राप्त गर्नुहुनेछ। परोपकार र धार्मिक क्षेत्रमा मन आकर्षित हुनेछ। पारिवारिक जीवन सामान्य र सन्तोषप्रद रहने छ।
तुला (र, रि, रु, रे, रो, ता, ति, तु, ते) –
व्यवसायिक र सामाजिक सम्बन्ध सुदृढ हुनेछ, तर चिन्तनमूलक काम र अध्ययन, अध्यापन एवं लेखनको कार्यमा समय दिने फुर्सत पाउनु हुन्न। प्रेमसम्बन्ध र दाम्पत्य जीवनका लागि समय निकाल्न नसक्नाले थोरै तिक्तता आउने सङ्केत छ। हुन त शुभ समाचार प्राप्त हुनाले मन फुरुङ्ग हुनेछ।
बृश्चिक (तो, ना, नि, नु, ने, नो, या, यि, यु) –
हिजोआज राम्रै समय चल्दैछ। व्यापारिक वा दैनिक कामहरू सन्तोषजनक ढङ्गले सम्पन्न हुनेछन्। खानपिनका परिकार प्राप्त हुने र विशेष यज्ञयागादि तथा धार्मिक कृत्यमा सहभागी हुनु पर्नेछ। दानदक्षिणा र सरसहयोग गर्दा धनखर्च हुने योग छ। शुभ कुराको सङ्केत मिल्नेछ।
धनु (ये, यो, भ, भि, भु, ध, फा, ढ, भे) –
समय राम्रो छैन। शरीरमा आलस्य र थकानको अनुभव हुनेछ। धन, धर्म र भाग्यमा हानी पुग्ने सम्भावना छ। गर्नु नपर्ने काम पनि बढी समय लगाएर गर्नु पर्ला। अप्रिय समाचार सुन्नु पर्दा मन खिन्न हुने स्थिति आउने छ। तपार्इंको व्यक्तिगत दृष्टिकोण उल्टो हुने देखिन्छ।
मकर (भो, ज, जि, खि, खु, खे, खो, गा, गि) –
विवाहितको दाम्पत्य जीवन असल हुनेछ भने अविवाहितका लागि कसैले नयाँ सम्बन्धको प्रस्ताव राख्न सक्छ। छलफल, वादविवाद र झैझगडामा आफ्नो जित हुनेछ। उपहार, चिट्ठा, पुरस्कार आदिबाट आकस्मिक धनप्राप्तिको सम्भावना छ। पारिवारिक जीवन सामान्य र सन्तोषप्रद रहने छ।
कुम्भ (गु, गे, गो, सा, सि, सु, से, सो, द) –
समय केही उल्झन पूर्ण देखिन्छ। चालु पेशा वा व्यवसायका अप्ठ्यारा र असजिला पक्षको चिन्तनमा एकाबिहानै मन रुमल्लिने छ। पढाइलेखाइमा जाँगर चल्दैन। आमा वा मामाको आशीर्वाद र शुभकामना प्राप्त गर्न सकेमा आजको दिन तपाईंका लागि भाग्यशाली भएर देखा पर्नेछ।
मीन (दि, दु, थ, झ, ञ, दे, दो, च, चि) –
विद्यार्थीका लागि आफुले आनो क्षमता प्रदर्शन गरी स्याबासी पाउने दिन हो, आज। कुनै भौतिक सुविधाको दीर्घकालिक जोहो हुने सम्भावना छ। आज चिन्तन र बौद्धिकताको क्षेत्रमा राम्रो छ, जेजस्ता अप्ठ्यारा र तनाव भए पनि आजको चिन्तन र उपाय तपाईंका लागि महत्त्वपूर्ण बन्न सक्छ।
माथि राशिफलमा लेखिएको विवरण जस्तो भएपनि तपाईंले आफ्नो कर्ममा विश्वास राख्नु पर्छ, आफ्नो दायित्व र कर्तव्यलाई जिम्मेबारीपूर्वक पालना गर्नुपर्छ एवं प्रत्येक दिन यो राशिफल हेरीसकेपछि अहिलेसम्म मैले परोपकार र सार्वजनिक हीतका निम्ति केके गरें भन्ने चिन्तन गर्ने बानी बसाल्नुहोस्, अनिमात्र यहाँ लेखिएका शुभफलहरू प्राप्त हुन्छन्, अशुभ र अनिष्ट फलमा न्यूनीकरण हुन्छ वा नाश भएर जानेछ ।
0 comments
Readers Comments
i love like and koment