khabar,
क्षतीपूर्तीसम्बन्धी विवाद मिल्यो/लोक गायिका महतको अन्त्येष्टी भोली
Posted by Unknown
Published on Sunday, 30 March 2014
चैत १६, काठमाडौं
यातायात व्यवसायीले दुर्घटनामा निधन भएकी लोक गायिकाका मञ्जु महतका दुई नाबालक सन्तानलाई लालन पालनकालागि ५ लाख रुपैया दिने भएको छ । व्यवसायीले विमा वापतको ५ लाखसहित १० लाख रुपैया दिने र प्रशासनले चालकलाई कारवाही गर्ने प्रतिबद्धता जनाएपछि प्रदर्शनमा उत्रिएका कलाकार र महतका परिवारले विरोधका कार्यक्रम फिर्ता लिएका छन् ।
सोह्रखुट्टे प्रहरी प्रभागमा अपरान्ह भएको छलफलमा महत सवार स्कूटरको मर्मतसम्भार गर्ने, महतसंग सवार उनकी बहिनी विद्याको उपचार खर्च व्यहोर्ने सहमति भएको गायक हेमन्त शर्माले जानकारी दिनुभयो । दुर्घटना भएको ठमेल गल्कोपाखा मार्गलाई मञ्जु महत मार्ग नामाकरण गर्न उनीहरुले सरकारसँग माग गरेका छन् । शर्माका अनुसार महतको शबको आज पोष्टमार्टम गरिने छ ।
शव यात्रासहित भोली अपरान्ह पशुपती आर्यघाटमा उहाँको अन्त्येष्टी गरिने शर्माले बताउनुभयो । तीन दिनअघि ठमेल गल्कोपाखामा दुईवटा माईक्रोबसको ठक्करबाट गम्भिर घाईते भएकी २९ वर्षिया महतको उपचारका क्रममा ग्राण्डी अस्पतालमा हिजो अपरान्ह निधन भएको थियो । महतका ६ वर्षिया छोरी र डेढ बर्षिय छोरा छन् ।
-
0 comments
Readers Comments
i love like and koment