शर्माको संसदीय सुनुवाई आज

काठमाडौ, चैत २७ – प्रधानन्यायाधीशका लागि सिफारिस भएका कायममुकायम प्रधानन्यायाधीश दामोदरप्रसाद शर्मा विरुद्ध परेका उजुरीबारे बिहीबार संसदीय सुनुवाई हुँदैछ ।

त्यसका लागि बिहान ९ बजेपछि सिंहदरबारमा संसदीय सुनुवाई विशेष समितिको बैठक बस्दैछ । उहाँ विरुद्ध आफ्ना भतिजालाई पुनरावेदन अदालतको न्यायाधीश बनाएको र आश्रमका नाममा रकम हिनामिना गरेको उजुरी परेको छ ।

संसदीय सुनुवाईपछि समितिले सिफारिस गरेमा शर्मालाई राष्ट्रपति डा. रामवरण यादवले प्रधानन्यायाधीश नियुक्त गर्नुहुनेछ । तत्कालीन प्रधानन्यायाधीश खिलराज रेग्मी मन्त्रिपरिषद्को अध्यक्ष बनेपछि सर्वोच्च अदालतमा प्रधानन्यायाधीश पद रिक्त छ ।