महिला हत्याको घट्ना लुकाउन यस्तो प्रयास

गौरव पोखरेल, सुरुङ्गा । झापा स्थिति सुरुङ्गा गाउँ विकास समितिमा रहेको कनकाई सामुदायिक बनमा महिला हत्याको घट्नालाई लुकाउन आगलागी गरिएको खुलेको छ । आइतबार दिउँसो वन भित्र आगलागी भएको स्थानियले देखे पछि आगो निभाउने उपभोक्ताहरु घट्ना स्थलमा पुगेका थिए । त्यहाँ पुग्दा उनीहरुले जलेर पूर्ण क्षतविक्षत अवस्थामा महिलाकोे शव फेला पारेका थिए ।

महिलाको शव वरिपरी दाउरा थुपारेर आगो लगाइदिएको हुन सक्ने समेत स्थानीयले अनुमान गरेका छन् । महिलाको शव वरिपरीको स्थानमा डढेलो लागेको थियो र सो डढेलोबाट सयौं क्यूविक सिसौका काठ र हरिया रुख जलेर नष्ट भएका छन् । महिलाको सनाखत र हत्या वा आत्माहत्या के हो भन्ने बारेमा अनुसन्धान जारी रहेको इलाका प्रहरी कार्यालय सुरुङ्गाका प्रमुख प्रहरी नायव निरीक्षक भूदेव बस्ने तले जानकारी दिए ।